MANTENTZE-LANETAKO ARDURADUNA

Lanpostua: Management&Services positions
Kokapena: Vitoria (Espainia)
Sektorea: Energia
Lanpostu: 1
Diziplina: Berrikuntza
Lan-modalitatea: Presentziala

CIC energiGUNE

CIC energiGUNE energian, biltegiratze elektrokimikoan (bateriak eta superkondentsadoreak), soluzio energetiko termikoetan eta hidrogenoan espezializatutako ikerketa-zentro bat da, BRTA -Ikerketa eta Teknologiaren Euskal Aliantzako- kidea, eta Eusko Jaurlaritzaren ekimen estrategiko bat. CIC EnergiGUNE 2011n sortu zen, euskal empresa sarearentzat ezagutza eta aldi berean erabilgarria sortzeko helburuarekin, eta ezagutzaren transferentzian erreferente bat da.

CIC energiGUNEk 100 ikertzailek baino gehiagok osatutako ikerketa taldea du, eta instalazio ugari ditu eskura. Gainera, Europako Batzordeak "HR Excellence in Research" saria eman dio CIC energiGUNEri. Sari horrek kontratazio eta ebaluazio printzipio zuzen eta gardenak lortzeko konpromisoa islatzen du, eta ikerketarako lan ingurune pizgarria eta mesedegarria dagoela ziurtatzen du.

CIC energiGUNEren ikerketa jarduerei buruzko xehetasun gehiago nahi izanez gero, bisitatu gure webgunea: http://www.cicenergigune.com

Lanpostuaren deskribapena

LANPOSTUAREN DESKRIBAPENA

CIC energiGUNEk mantentze-lanetako arduradun bat kontratatu nahi du, bere instalazio teknikoen, laborategien eta ikerketa-guneen funtzionamendu egokia, erabilgarritasuna eta segurtasuna bermatzeko.

Hautatutako pertsonak mantentze-lanetako hiru teknikariz osatutako taldea gidatuko du, hornitzaileak eta enpresa azpikontratatuak koordinatuko ditu, eta erreferente teknikoa izango da esku-hartzeetan, laborategien eraberritze-lanetan eta gorabehera kritikoetan.

Profil tekniko sendoa duen pertsona baten bila gabiltza: ikuspegi praktikoa, antolatzeko gaitasuna eta irizpide teknikoa dituena, instalazio konplexuak dituen ingurune zientifiko-teknologiko batean lan egiteko.

Eginkizun nagusiak

Zentroko mantentze-lan prebentiboak eta zuzentzaileak planifikatzea, koordinatzea eta gainbegiratzea.
Barneko mantentze-taldearen eguneroko lana antolatzea eta lehentasunak ezartzea.
Esku-hartzeak espezialistekin, hornitzaileekin eta enpresa azpikontratuekin koordinatzea.
Instalazio elektrikoak eta mekanikoak, klimatizazio-sistemak, automatismoak, gas teknikoak eta suteak detektatzeko sistemak gainbegiratzea.
Laborategi eta instalazio teknikoen eraberritze-, egokitzapen- eta abiarazte-lanetan parte hartzea.
Gorabehera edo larrialdi teknikoen aurrean jardutea, hasierako erabakiak segurtasuna eta jardueraren jarraitutasuna oinarri hartuta.
Barne-prozedurak, arauzko berrikuspenak eta laneko arriskuen prebentzioari buruzko irizpideak betetzen direla bermatzea.
Dokumentazio teknikoa, esku-hartzeen erregistroak eta gorabeheren jarraipena eguneratuta edukitzea.
Instalazioen fidagarritasuna, segurtasuna eta eraginkortasuna handitzeko hobekuntzak proposatzea.

ZER ESKAINTZEN DUGU

Garapen profesionalerako aukera erakargarriak dituen lanpostua
Iraunkortasunera, balioa sortzera eta pertsonen garapena eta aniztasuna sustatzen dituzten lankidetza-ekosistemak eratzera bideratutako proiektu berritzaile eta abangoardista batean parte hartzeko aukera.
Garapen profesionala eta pertsonala.
Elkarlaneko lan-ingurune dinamikoa eta diziplina anitzekoa.

HAUTAGAITZAK:

Interesa duten pertsona guztiei curriculum vitae zehatza eta motibazio-gutuna webgune honen bidez aurkezteko gonbita egiten zaie.

Hautaketa-prozesua lanpostua betetzen denean amaituko da.

CIC energiGUNEk konpromiso irmoa du ekintza positiboarekin, aukera-berdintasunarekin eta plantillaren aniztasunarekin. Inklusioarekiko dugun konpromisoaren barruan, hautagaitza guztiak aintzat hartzen ditugu, genero-identitatea, jatorri etnikoa, sexu-orientazioa, desgaitasuna edo adina edozein direla ere.

Baldintzak

HAUTAGAIAREN PROFILA

Ezinbesteko baldintzak:

Industria-arloko ingeniaritza teknikoko titulua edo gradua, edo arlo teknikoko goi-mailako Lanbide Heziketako titulua eta pareko esperientzia.
Bost urtetik gorako esperientzia industria-instalazioen, laborategien, zentro teknologikoen, ospitaleen, instalazio pilotuen edo ingurune tekniko konplexuen mantentze-lanetan.
Elektrizitateari, mekanikari eta klimatizazioari buruzko ezagutza sendoak.
Automatismoen, gas teknikoen eta suteak detektatzeko sistemen ezagutza operatiboa.
Talde teknikoak, hornitzaileak edo enpresa azpikontratatuak koordinatzen esperientzia.
Segurtasunarekiko, laneko arriskuen prebentzioarekiko eta araudia betetzearekiko konpromiso handia.
Profil teknikoekin zein ez-teknikoekin eraginkortasunez komunikatzeko gaitasuna.

Baloratuko diren baldintzak:

Aurretiko esperientzia ikerketa-zentroetan, laborategietan edo jarduera kritikoa duten instalazioetan.
Laborategiak eraberritzeko edo egokitzeko proiektuetan esperientzia.
Prestakuntza osagarria laneko arriskuen prebentzioan, enpresa-jardueren koordinazioan, instalazio termikoetan, behe-tentsioan, suteen aurkako babes-sistemetan, ATEX inguruneetan edo gas teknikoetan.
Dokumentazioa eta eskuliburuak irakurtzeko eta hornitzaileekin oinarrizko komunikazioa izateko adinako ingeles teknikoa.
Mantentze-kontratuak kudeatzen edo arloko adierazleen jarraipena egiten esperientzia.

Gaitasunak:

Lidergo operatiboa eta talde tekniko txiki bat koordinatzeko gaitasuna.
Gorabeherak diagnostikatzeko, lehenesteko eta behar den mailara eskalatzeko irizpide teknikoa.
Antolatzeko eta planifikatzeko gaitasuna.
Presiopean erabakiak hartzeko gaitasuna.
Barne-erabiltzaileekin, hornitzaileekin eta kontratistekin argi komunikatzeko gaitasuna.
Zerbitzu-orientazioa eta jarduera zientifikoaren jarraitutasunarekiko konpromisoa.
Segurtasunaren, erantzukizunaren eta etengabeko hobekuntzaren kultura.

Lanpostua: Management&Services positions
Kokapena: Vitoria (Espainia)
Sektorea: Energia
Lanpostu: 1
Diziplina: Berrikuntza
Lan-modalitatea: Presentziala

Begiratu gure beste eskaintzak