Ikasleen praktikak - 2026-2027 kurtsoa

Lanpostua: Internship positions
Kokapena: Vitoria (Espainia)
Kontratua: Beka
Laneguna: Jardunaldi osoa
Sektorea: Energia
Lanpostu: 8
Diziplina: Berrikuntza
Lan-modalitatea: Presentziala

CIC energiGUNE

CIC energiGUNE energian, biltegiratze elektrokimikoan (bateriak eta superkondentsadoreak), soluzio energetiko termikoetan eta hidrogenoan espezializatutako ikerketa-zentro bat da, BRTA -Ikerketa eta Teknologiaren Euskal Aliantzako- kidea, eta Eusko Jaurlaritzaren ekimen estrategiko bat. CIC EnergiGUNE 2011n sortu zen, euskal empresa sarearentzat ezagutza eta aldi berean erabilgarria sortzeko helburuarekin, eta ezagutzaren transferentzian erreferente bat da.

CIC energiGUNEk 100 ikertzailek baino gehiagok osatutako ikerketa taldea du, eta instalazio ugari ditu eskura. Gainera, Europako Batzordeak "HR Excellence in Research" saria eman dio CIC energiGUNEri. Sari horrek kontratazio eta ebaluazio printzipio zuzen eta gardenak lortzeko konpromisoa islatzen du, eta ikerketarako lan ingurune pizgarria eta mesedegarria dagoela ziurtatzen du.

CIC energiGUNEren ikerketa jarduerei buruzko xehetasun gehiago nahi izanez gero, bisitatu gure webgunea: http://www.cicenergigune.com

Lanpostuaren deskribapena

LANPOSTUAREN DESKRIBAPENA:

CIC energiGUNEk aukera eskaintzen du Masterreko praktikak egiteko energia elektrokimikoaren biltegiratze eta bihurketa, EES, eta energia termikoaren biltegiratze eta bihurketa, TES, arloetan.

Talde gazte, dinamiko, kolaboratibo eta diziplina anitzeko batean sartu nahi baduzu, nazioartean erreferente diren ikertzaileengandik ikasi eta azken belaunaldiko ekipamendua eta teknologia erabili, hau izan daiteke zure aukera.

Deialdia irekita dago materialen zientzia, fisika, kimika, ingeniaritza edo lotutako diziplinetako ikasleentzat, ikerketarako gaitasunak garatu nahi badituzte.

Proiektuak Masterreko praktika gisa egingo dira, eta gutxi gorabehera 5-6 hilabeteko iraupena izango dute.

Ondoren doktorego-tesi batekin, PhD, jarraitzeko aukera egon daiteke.

IKERKETA-ARLOA ETA GAIAK:

Energia Elektrokimikoaren Biltegiratze eta Bihurketa arloko proiektuak:

Sodio oxido geruzatuen gainazaleko funtzionalizazioa gas-fasean, hezetasunarekiko erresistenteak diren sodio-ioizko katodoetarako.
Sodio-ioizko bateria komertzialen segurtasun termikoaren ebaluazioa material-mailan, DSC protokolo erreproduzigarrien bidez.
Litio-ioi bakarreko eroaleetan oinarritutako gel-polimero elektrolito berriak, tentsio handiko eta potentzia handiko LiM baterietarako.
Disolbatzaile berriak LiM eta sodio-ioizko baterietarako.
Bateria-elektrodoen kalandratze-prozesuaren simulazio multieskala eta baliozkotzea, biki digitalak, Digital Twin, garatzeko.
Konposatu polianioniko berrien sintesia sodio-ioizko baterietarako.

Energia Termikoaren Biltegiratze eta Bihurketa arloko proiektuak:

Fase-aldaketako materialak, PCM, dituzten zuntz biopolimerikoak kudeaketa termikorako.
Oxido metalikoetan oinarritutako gas-solido erreakzio termokimikoen elektrifikazioa.

HAUTAGAITZAK:

Interesa duten pertsonek webgune honen bidez bidali beharko dute eskaera, CVa eta graduko espediente akademikoa erantsita.

CIC energiGUNEk ekintza positiboarekin, aukera-berdintasunarekin eta plantillaren aniztasunarekin konpromisoa du. Horregatik, inklusioarekin dugun konpromisoaren barruan, hautagaitzak onartzen ditugu genero-identitatea, jatorri etnikoa, sexu-orientazioa, desgaitasuna edo adina edozein dela ere.

Informazio gehiagorako: https://cicenergigune.com/es

Baldintzak

PROFILA:

Gaur egun goi-mailako hezkuntza-erakunde batean Masterra egiten ari diren ikasleak bilatzen ari gara, lehentasunez materialen zientzian, fisikan, kimikan edo ingeniaritzan.

Graduko batez besteko nota 7 edo handiagoa izatea positiboki baloratuko da.

Lanpostua: Internship positions
Kokapena: Vitoria (Espainia)
Kontratua: Beka
Laneguna: Jardunaldi osoa
Sektorea: Energia
Lanpostu: 8
Diziplina: Berrikuntza
Lan-modalitatea: Presentziala

Begiratu gure beste eskaintzak